Tuli Laga ADC Aru RO Para Electoral Identification Opor Tey Notify Kurishey

June 23, 2024 : Mokokchung laga Tuli laga ADC & RO para ekta circular notify kurishey, itu valid document khan lagi thka laga regard tey, itu electoral identification laga purpose nimitey, itu State Election Commission, Nagaland laga directive khan laga hisap tey. Tai para inform kurishey ki, itu sob elector kuntu toh Tuli Town Council under tey enrolled asey, tai khan toh hoiley itu di kena thaka document khan majetey kuntu kuntu hoilebi aniboley, tai khan laga franchise toh exercise kuriboley, itu polling laga din tey: Indian Passport; Driving License; Aadhar Card; Service Identity Card kuntu toh hoiley issue kurishey, tai khan laga employee khan ke, itu State/ Central Government, Public Sector Undertaking, Public Limited Company khan; Bank/Post Office PassBook Photo thaka laga; Pan Card; Pension Document photograph thaka laga; Indigenous Inhabitant Certificate, itu Deputy Commissioner/ Additional Deputy Commissioner para issue kuria laga. Itu Returning officer para itu bhi state kurishey ki, itu Voter’s Information Slips (VIS) toh hoiley ekta document hisap tey eligible nahobo, identity laga proof nimitey vote dhala homoi tey.