Tura te DIPR opr te jamala

Tura Sep 19: Social activist Cherian Momin pora Meghalaya Public Communication Policy 2024 laka poliy opor te mon koshi nohowa laka khobor jani teshe. Etu toh TUR (Thma U Rangli-Juki aro alak alak civil society Kashi Hill te taka khan pora phe koshi napa laka jani deshe. Tai khan koishe ke etu toh manu laka  fundamental rights opor te kelaf ase. Etu toh  Indian Constitution  aro  Supreme Court rulings laka opor te kelaf ase koishe. Tai khan koishe ke tai khan koshi manu  nahole organizations khan news internet te natala agae te tai khan Meghalaya laka Directorate of Information and Public Relations (DIPR) logot te register korebole lakhe. Tai khan koishe ke etu neom to peshi beya ase. Etu newon toh Indian Constitution  aro  Supreme Court rulings laka opor te kelaf ase. Kele koile India te freedom of speech te kena ase. Aro Supreme court pora phe etu mane. Toh kele Meghalaya laka Government pora enaka beya kam kore ase. Tai khan koishe ke mesa khobor aro public majot te kontokol ola pole deya laka news toh Government pora control kore bole pare. Hoilebhe manu ke jobojosti pora khbobor khan kobole  government pora permission  lobe kowa toh eka tom tek nai koishe. Etu pora media Jornalism aro alak social media khan opor bandi deya ase koishe. Tai khan koishe ke social media toh ekta peshi kam taka laka ase. Aro etu opor te enaka hohum korele toh peshi peya ase. Momin pora enka hokom opor te Supreme Court pora rokai deya laka phe kota koishe. Tai pora koishe ke etu hokum pona toh Information Technology Act, 2000 laka kelaf ase.