May 7, 2024: Turkish President para Monday din deh, Hamas kan ceasefire deh acha kubo leh decision tho welcome kureh kui shae. Tai para etu decision tho Anakara laka suggestion deh bana ase kui shae aro Israel kan b eki kuri bole hope kuri ase kui shae.
Turkey para Gaza deh Israel laka assault keh denounce kuri shae aro phat ceasefire hobo karne mangi shae. Taikan Israel lokot deh sob trade b rukai nah ase aro Israel karne South Africa laka application tho join kuri bole, taikan laka decision b announce kuri shae.
Cabinet meeting deh kotha kura time deh, ceasefire tho accept kuri di bo karne Erdogan para Western countries keh pressure tho utha b kui shae, Israel laka leadership upor deh. Anakara tai hotai complain kuri nah ahi ase, West kan Israel keh unconditional support di ase kui nah, especially United State kan.
“Mukan, Hamas laka statement tho welcome kureh, mukan laka suggestion lokot deh ceasefire tho accept kuri shae kui nah. Itia, Israel kan eki step tho lubo lakeh,” tai para kui shae.
Add Comment