Turkey te manuh mora 100 hoishe, 990 jokom

Ankara: November 3, 2020.  Tuesday din dak Turkey te mati besi tangor helai  te manuh mora toh 100 hoishe, koikena country disaster authority para janai thishe. 7.0 magnitude te mati helai te 994 manuh jokom paikena ase, Turkish acronym AFAD para khobor thishe aro 147 manuh hospital te ase koishe. Aro koishe ke, Izmir province te , 5 building kera te manuh khan ke peraiase aro koboli napara manuh besi harikena ase. Turkish town Bayrakli, Izmir toh sobse beya para lakai chaka ase. Monday din te kushi aro mon dhuk celebration thakishe, etu samai 3 saal umer maiki bacha Elif Perincek aro 14 umer Idil Sirin, logot mati pithor paa jenta othishe. Friday din Aegean Sea te mati helai te, tai jun laga ghor manuh khan toh morishe koishe. Greece te bacha tuita(2)  school para ghor te jai thaka samai toh be morishe. Turkey te mati hela beche 1,464 aftershocks ahishe, etu pithor te 44 toh magnitude oper thakishe. Building besi beya howa beche aro ahiboli risk te ase. Izmir te, Thousand neshina manuh khan toh 4 rati tents te bohi ase koishe. Etu mati hela toh Turkey te sobse beya wala thakishe, etu saal agae te be eastern provinces of Elazig aro Malatya te January moina te 40 oper manuh khan morishe koishe.