February 6, 2024: Tuesday din deh Turkish police para ekta mota aro ekta maike keh goli mari nah murai di shae. Etu mota aro maike tho ekta left “terrorist” organization para taki shae aro taikan Istanbul laka main courthouse laka bahar taka ekta security checkpoint keh hamla kuri shae. Etu hamla deh taikan para choitha manu keh jokom kuri di shae, officials para kui shae.
Interior minister Alo Yerlikaya para assailants kan tho Revolutionary People’s Liberation Party-Front (DHKP-C) laka members taki shae kui shae. Etu organization tho ekta fringe leftist group ase kun kan 1980’s para Turkey deh periodic hamla kuri takeh. Group kan para etu hamla deh eku responsibility lua nai itia tak.
“Terrorist kan kun hamla kuri bole koshish kuri shae, taikan keh tho neutralized kuri di shae, hoile b choit manu jokom kai shae etu incident deh. Tateh teenjun tho police officers taki shae aro alak teenjun tho citizens taki shae.
Justice Minister Yilmaz Tunc para heroic police officers kan ekta treacherous hamla rukai di shae kui shae. Police kan para courthouse entrances kan bon kuri di shae ekta security precaution karne.
Add Comment