Ashgabat, February 13: Turkmenistan laga Gurbanguly Berdymukhamedov pora 98 per cent nisena vote paikene tai laga natun 7 sal laga term arubi jeetikene ase. Eneka Monday te electoral officials pora preliminary count kora pichete koise.
Election commission pora press conference te janai dikene koise, poll karone 97 per cent turnout thakishe. Dusra candidates pora kiman vots paikene thakishe, eitu kotha toh Central Electoral Commission chief Gulmyrat Myradov pora mention korikene thaka nai hoillebhi tai pora koise, “eitu opportunity ke loikene ami khan pora Gurbanguly Berdymukhamedov ke tai laga jeet (electoral victory) karone purah monn pora congratulate kori ase.”
Berdymukhamedov toh ekta former dentist aru health minister thakishe aru Turkmenistan laga pohila president, Saparmurat Niyazov mora pichete tai pora 2006 te power loikene thakishe.
Add Comment