Tushar Kapoor para tailaga Facebook account hack huwa picheyte statement issue kurisey

New Delhi, September 30 : Tushar Kapoor para olop din ageyte ‘Dus June Kii Raat’ logotey tailaga OTT(online te diya film aro show khan) debut kurisey. Tai tu tailaga Facebook account hack hoisey koikina jana picheyte asurit hoijaisey. Tai para Instagram te ekta statement issue kurisey, kotey fan khan ke warn kurikina taikhan ke savdhan kuridisey ki tai etu karon nimitey hey ajikali facebook te active nathaka hoisey. Ekta nutun Instagram post te, Tusshar para koisey, “Hello everyone, ami para apni khan ke etu janabole mon asey ki amilaga public aro private duita Facebook account logotey bi khilimili hoisey, kuntu nimitey ami utu platform te active nuhuwa hoisey. Amilaga team aro ami para etu situation ke thik kurikina etu account khan laga control wapas pabole nimitey pura kosis kuri asey. Ami para enaka homoitey apni khan para  patience dikha aro bujidiya tu appreciate kuri asey aro joldi hi apni khan logotey aro ekbar juribole akha kuri asey. Apni khan laga lagatar support diya nimitey dhanyabad.” Tushar para olop din ageyte tailaga Bollywood laga career laga bari te khulasa kurisey. Tai para koisey ki tai bisi dhanyabad asey ki audience para taikey tailaga kaam laga basis te judge nokorey. Tusshar tu poila jamana laga actor Jeetendra laga beta asey. Aro TV producer Ektaa Kapoor laga bhai/kokai asey.