GUWAHATI | April 1: Election flying squad laga tweijun members ke Gorchuk Police pora Monday thurise kile koile Guwahati te Pamohi laga ekjun businessman laga haat pora poisa lowa nimite.
Dipankar Hazarika aro Ali Kamal Hussain, etu flying squad laga members pora Jahangir Alam, Barpeta laga ekjun businessman laga haat pora West Guwahati Assembly constituency te Sunday te gari ke check koriya samoy te loise.
Barpeta district laga Jahangir Alam pora Indian Penal Code laga section 392 nijete pora etu tweijun flying squads official logote khilaf tai laga haat pora Rs. 50,000 laga rishwat lowa nimite ekta FIR lekhise.
Etu complaint laga hisab te, flying squad members laga ekta team pora tai laga gari ke rukhaise, etu samoy te tai Gorchuk pora Rani te gari laga parts khenibole jai thakise.
Etu samoy te ekjun police toh Alam laga gari ke check koriya bicchete aalag gari ke sabole jaise, FST laga etu tweijun officials pora tai laga haat pora Rs 2,50,000 (Two lakh fifty thousand) cash loise aro etu poisa pora Rs 1 lakh dibo karne koise. Ketiya etu manu pora maana korise, tai tweijun pora Rs. 2,50,000 pora Rs. 50,000 olaikena rakhi loise aro tai ke etu laga mamla toh police ke nakobo karne koise.
Tai ke iman poisa kot pora paise koikena hothiya ke, Alam pora police ke khobor korise ki tai Garchuk sabji bazaar te tai laga cousin bhai pora Rs 2 lakh dhaar lobo karne jaise, kono toh gari laga saman khenibole thakise. Tai Gorchuk pora wapas ahiya samoy te, tai laga gari ke FST pora rukhaise.
Add Comment