Los Angeles, 21 April : Hollywood actress Kristen Stewart, juntu Twilight film series te Bella laga role pora famous hoise, tai laga longtime girlfriend Dylan Meyer logot ekta private ceremony te Los Angeles te biya kurise, American media report hisab te. TMZ aru People laga report hisab te, duijon Easter Day din tai laga ghar te biya kurise, juntu te tai laga najika friends aru family members thakise — including actress Ashley Benson aru tai laga husband Brandon Davis.
Biya hobo turat pisot, ceremony laga photos online te ahi jaise, juntu te duijon ek dusra logot vows exchange kurithaka aru ek dusra ke kiss kurithaka dekha jaise.
2019 October month te, Dylan Meyer ekta photo Instagram te share kurise, juntu te tai aru Kristen Stewart ek sathi dekha jaise, aru tai caption dise: “Find me under the covers hiding from the happiness police.” Eitu photo pora tai laga relationship dunia ke janai dise. 2021 te, duijon officially engaged bhi hoise.
SiriusXM laga The Howard Stern Show te 2021 te ekta interview time te, Stewart mazak mazak te koi thakise ki Dylan Meyer — juntu 37 saal umr laga aru famous screenwriter Nicholas Meyer laga meyi — tai Kristen ke propose kurise. Bichor te, jab Kristen ke CBS Sunday Morning show te tai laga biya plan bishoy te poisa hoise, tai koise: “Biya hobole thakile, hobo. Moi etiya 5 saal te engage hobo bhi nai bisare. Moi just tai logot biya kuribo bisare — bujha paise ne?”
Ageta te Kristen Stewart news te bhi thakise, tai laga Twilight co-star Robert Pattinson logot relationship karone. Kintu tai duijon laga intense romance May 2013 te end hoijai. Stewart, juntu Bella Swan laga role pora sab manuh te jana, February 2017 te Saturday Night Live te host kurithaka time openly gay buli announce kurise. Tai pisot openly tai laga bisexuality bishoy te kotha koi thakise.
Kam laga side te, Stewart recent te Love Me, Love Lies Bleeding aru Sacramento naam laga film khan te dekha dise.
Add Comment