January 7, 2021. Twitter aro Facebook para Donald Trump laga accounts toh bondh korishe. Tai para November 3 darik election laga conspiracy theories deya nemite aro etu para US Capitol te tai laga supporters khan jama hoishe. Twitter aro Facebook para Trump laga account toh 12 gonda nemite bondh koribo aro tai para tinta(3) kotha kowa aro tai laga supporters logot video te kotha kora be bondh korishe. Washington, DC te jamila ola te situation toh besi beya hoi ase aro Donald Trump laga tinta kotha aji kowa toh be hataishe, koikena Twitter para janaishe. Etu matlab toh @realDonaldTrump account toh 12 gonda nemite locked aro etu kotha toh hataishe. Jodi etu kotha toh hata nai koile tai laga account toh locked thakibo, koikena social media company para koishe. Twitter para aro warn kora toh jodi tai para polices laga kotha namanile tai laga account toh suspend koriboli koishe. Twitter Rules namanile Civic Integrity nahoile Violent Threats policies toh be @realDonaldTrump account permanent hatabo koishe. “ami khan laga public interest policy toh enforcement action para saiase aro etu jaga te risk hoboli besas ase. Ami khan para public logot khobor kori thakibo koishe.
Twitter, Facebook para Trump laga accounts suspend korishe
