Twitter te Kangana Ranaut beche kora manuh 1 million hoishe

September 1, 2020. Bollywood actor  Kangana Ranaut, twitter te joined korikena ek hafta he hoishe aro tai ke beche kora manuh 1 million pongchese. Actress toh etu nemite besi kushi hoishe aro tai first samay Twitter te jaikena manuh khan para morom paa nemite besi kushi junai thishe. Tuesday din te micro-blogging site te jaikena beche kora manuh 1 million howah karne celebrate korishe aro tai para video te special message te Indian handloom aro tradition laga kotha korishe. Manipuri traditional lakiana beche kora manuh khan logot Indian fashion toh juniboli koishe. Kangana Ranaut para koishe ke, ami khan laga fashion neem toh dosura European style para beshi kushi pai aro ami khan nejor laga culture te alak style besi ase aro etu para kushi hoi. Tai para video ekta thikina koishe ke, “Fashion toh koriboli lage hoilebi dosura khan laga anikena ami khan nejor laga pelaile ke matlab ase? Nationalism laga hosa maltab toh, ami khan first hobo lage, aro ami laga twitter ghor manuh 1 million khan ke tangor cheers” Tai para Manipuri groups laga sunder noksa be shared kori thishe. Olop din agea tai Twitter joined kora samay, Kangana para video ekta shared korikena koishe ke, tai nemite social media platform toh nejor para kam korikena statement thibo lage aro koishe #JusticeForSSR para social media toh besi kam aro kara ase.  Video te Kangana para koishe ke, “ami besi kushi ase aro etu journey toh bhal para jaboli koribo aro ahiboli din nemite sai thakibo. Tai para etu video nam toh “etu ami laga twitter family” ase koishe. Tai kam kora side te, Kangana para film bhal besi bonai kena ase.  Tai para late politician Jayalalithaa, biopic Thalaivi koikena role koriboli ase. Etu oper te, tai laga dosura film nam toh Tejas, etu film te tai Indian Air Force (IAF) pilot laga role korishe. Aro Dhadak film te, tai toh spy neshina olabo ase. Olop din agae te, Kangana para koishe ke, tai laga film Tejas toh December moina te olabo.