Nagaland

Two-day in person training WHL & OSC functionaries karne loi loishe

7 months ago

Kohima, Nagaland, 20 August 2025: Two-day in person training 181-Women Helpline Nagaland aru Sakhi-One Stop Centres laka functionaries karone organize kori dishe Mission Shakti Nagaland, Savitribai Phule National Institute of Women and Child Development (SPNIWCD) Regional Centre Guwahati, National Institute of Mental Health & Neurosciences (NIMHANS) Bangalore, aru Centre for Development of Advanced Computing (C-DAC) mili kina 19 aru 20 August 2025 te Mission Shakti Office, Kohima te.

Resource persons kham SPNIWCD pora Dr. Swapan Shaw, NIMHANS pora Dr. Chethana Kishore, Afreenbanu A. Khadirnavar aru Rugozevou Khate, aru C-DAC pora Krishnendra Kumar Barooah aishe.

Training laka main aim hoishe strengthen kori bole functionaries laka capacity aru service delivery duita Mission Shakti centre te—psychosocial support provide kori bole women ke juntu gender-based violence affect kori ase, aru technical training provide kori bole centre smooth function kori pare.

Tosheli Zhimomi, Director Social Welfare aru Member Secretary, Mission Shakti, tai pora welcome note te resource persons ke thanks di dishe expertise share kori bole WHL aru OSC functionaries logot. Tai participants ke encourage kori dishe ki training laka bhal use koribo.

Bodeno S. Colo, Secretary Social Welfare Department aru Mission Director, Mission Shakti, “way forward” deliver kori dishe. Tai acknowledge kori dishe OSC aru WHL laka service—women ke help kori thaka juntu gender-based violence pora suffer kori ase. Tai highlight kori dishe data: inception June 2016 pora March 2025 tak WHL receive kori dishe 3299 effective calls, aru One Stop Centres cater kori dishe 1529 cases gender-based violence.

181-Women Helpline (WHL) 24 hours toll-free service provide kori thake women ke juntu violence face kori ase. WHL connect kori thake 112-Emergency Response Support System (ERSS) karone police, fire, ambulance service, aru One Stop Centres karone non-emergency cases. WHL women-related government schemes, programmes, services aru legal support laka information bhi provide kore.

Sakhi One Stop Centres integrated support aru assistance provide kori thake women ke juntu violence aru distress face kori ase—public aru private space duita jagat te. Etu centre ekta roof niche medical, legal, temporary shelter, police assistance, psychological aru counseling support provide kori thake.

181-WHL aru 1098-Child Helpline (CHL) integrated ase aru WCD Control Room part ase. WHL bhi integrate ase 112-ERSS aru Sakhi One Stop Centres logot.

Women juntu violence face kori ase, help pabole number hoise toll-free 181, or 9485239098, aru OSC centres juntu state laka 11 districts te establish kori dishe.