Dimapur, October 16 – Dui din laga workshop “World of Work (WoW)” laga nimite PM SHRI school laga students khan karone aji shuru hoishe Kuda Youth Hall, Dimapur te. Etu program Ministry of Education, Government of India, laga under te PARAKH (Performance Assessment, Review, and Analysis of Knowledge for Holistic Development), NCERT, New Delhi dwara organize kora jaishe, collaboration te Samagra Shiksha Nagaland aru SCERT Nagaland logote.
Etu initiative ekta important step ase National Education Policy (NEP) 2020 laga objective fulfill koribole, juntu skill development, vocational exposure aru experiential learning promote kore secondary school student khan majote. Etu program laga main aim ase student khan ke 21st century workplace laga requirement hisap te prepare kori dibole, jate class room te sikha knowledge real world te apply koribole paribole.
Nagaland te etu workshop te participate kori ase student khan PM SHRI GHSS Chumukedima, PM SHRI GHS Naharbari, PM SHRI GHS Burma Camp aru PM SHRI GHS Thahekhu para. Workshop laga main focus ase student khan ke different aru emerging career path dikhai dibole, juntu Ministry of Skill Development and Entrepreneurship (MSDE) dwara identify kora 36 job sector majote ase. Students khan ke introduce kora jabo new field Artificial Intelligence (AI), green technology aru creative industry khan nishena.
Inaugural session chair korishe Smt. Freda Angami, Assistant District Coordinator, District Mission Authority, Samagra Shiksha, Dimapur. Keynote address te Dr. Chumbeni Kikon, Joint Mission Director, Samagra Shiksha Nagaland, koishe ki young learner khan ke empower kori dibole early vocational orientation aru 21st-century skill building dwara. Tai highlight korishe initiatives WoW nishena kinika schools khan ke enable kuri ase traditional acedemics para beyond jabole aru students khan ke modot kuri ase nijor informed choices taikhan laga future career nimite.
Special video message bhi share kurishe Prof. Indrani Bhaduri, Head aru CEO, PARAKH, NCERT, New Delhi para. Prof. Bhaduri emphasise korishe skill-based learning, vocational education aru experiential assessment ke regular schooling te integrate kuribole lage. Tai teachers aru school leaders khan ke encourage kurishe student khan ke hands-on learning, internship aru project-based experience provide koribole, jate education aru employability milai lobo pare.
Officials from Samagra Shiksha Nagaland, Department of School Education (DoSE), SCERT, NBSE aru char PM SHRI school laga head khan bhi inaugural session te attend kori thakishe. Workshop te interactive session aru practical activity bhi ase, juntu resource person Ms. Elangbam Ashakiran Chanu aru Ms. Kavita Ghosh dwara facilitate kora jaishe — tai duijon bhi vocational pedagogy aru youth development te expert ase. Dui din majote student khan career awareness, teamwork, innovation aru problem-solving skill te participate kuribo, juntu “World of Work” framework logote milai ase.
Workshop 17th October 2025 te khotom hobo, jate students khan reflection aru presentation share koribo, aru ekta interactive panel discussion hobo “shaping the future of work-ready education in schools” te. Etu event ekta national vision ke highlight kore — “every learner ke prepare kori dibo life, livelihood aru lifelong learning” karone, jate olop olop change hoi thaka world te opportunity benefit lobo pare.
Add Comment