Mizoram, 19 August : ‘Health ATM’ doita medical establishment te Mizoram te August 18 din launch kora hoise, juntu public healthcare te ekta dangor step hisab te dekha jaise.
Idu ‘Health ATM’ te modern diagnostic tools thakibo, aru log homo turant he nijor health parameters jiman blood pressure, blood sugar, BMI aru oxygen level health officials logot check koribo paribo.
Idu facilities Lunglei Civil Hospital aru Primary Health Centre (PHC) Lungsen gaon te launch kora hoise district administration laga ‘Healthy Lunglei Initiative’ niche, Health Minister Lalrinpuii kobi dise.
Health ATM te 35 variety diagnostic test dibo, juntu general health, diabetes, hematology, cardiac, ear, eye aru mental health te include kori thakibo, officials kobi dise.
Ite te blood pressure, blood sugar, BMI, ECG, lipid profile, vision aru hearing assessment, aru depression aru anxiety screening tool thakibo. Preventive healthcare support karibo lage personalized diet plan bhi thakibo.
Sob test free of cost te kori lobole paribo aru half an hour niche finish hobo, aru result turant user laga mobile te pabo.
Launch event te health minister logot, Lunglei High Powered Committee vice chairman aru MLA V. Malsawmtluanga, Lunglei South MLA Lalramliana Papuia, Lunglei Municipal Council chairman aru councillors, company representatives, churches aru NGOs, party leaders aru students homoi dise.
Occasion te kotha kurite, Lalrinpuii kobi dise ki Mizoram laga first ‘Health ATM’ launch kora ekta “proud aru historic moment” ase state karone.
Tai highlight kori dise ki ‘Healthy Lunglei’ campaign, juntu June 2024 te launch kora hoise, preventive healthcare expand kori thakise through screening, awareness drive aru community participation.
‘Health ATM’ bisari tai kobi dise ki IoT-enabled kiosk digital health record generate koribo, timely follow-up karibo, aru rural aru urban healthcare facilities laga gap komai dibo, patients karone time aru cost bhi komai dibo.
Lalrinpuii Lunglei Deputy Commissioner office ke bhi appreciate korise holistic public health initiatives jiman Project LEAP (Persons with Disabilities karone) aru Project BLOOM (maternal aru child health improve karibo Lungsen aspirational block te).
Tai MVS India, ABCI Infrastructures Pvt. Ltd. aru BRN ke dhonobad dise CSR support aru collaboration karone, aru project ke “ekta shining example of government, private sector aru civil society milikene kaam kori thaka” buli describe korise.
Lunglei Deputy Commissioner Navneet Mann Health ATM initiative aru Healthy Lunglei District Campaign laga activities bishare brief explanation dise.
Officials kobi dise ki Health ATM initiative possible hobo Manav Vikas Sanstha (MVS India), Lunglei DC office aru ABCI Infrastructures Pvt. Ltd. laga tripartite MoU sign korar karone.
MoU hisab te, ABCI aru BRN Health ATM procure aru maintain kori dise through CSR programme, aru MVS India installation, training aru technical support dise. DC office administrative facilitation dibo aru sustainability ensure koribo.
Health ATM introduce korar fole, Lunglei district technology healthcare delivery logot integrate kori dise, preventive service te access improve kori dise, aru Healthy Lunglei laga vision strengthen kori dise.
Officials aru bhi kobi dise ki PHC Lungsen te Health ATM installation ongoing health initiatives ke dangor support dibo, aru Lungsen block te NITI Aayog laga aspirational blocks programme under health indicators improve koribo.
Add Comment