Australia, 15 January : Naomi Osaka toh tai laga Grand Slam comeback laga agey match dey girishey Monday dey, 6-4, 7-6 (7/2) haarishey Caroline Garcia laga khilaf Australian Open laga first round dey. Ekta single break toh kaafi thakishey itu French 16th seed karney kun opening set jitishey tai laga rusty opponent khilaf aro tai para second set tie-break bhi jitishey Melbourne dey agey jawoley. Japanese star Osaka, kun four Grand Slams jitishey, September 2022 dey tennis para ulai jaishey, kuishey ki itu toh mental health jinta karney asey. Ekta maiki bacha, Shai ke jonum dina, July dey, tai 2024 season karney wapis ahiwoley faisla kurishey.
Garcia para tai laga defeated opponent kw respect dishey jeet piche dey, Rod Laver Arena laga ujala andar dey.
“Mui Naomi karney bishi respect asey ekta manu aro khiladi nishna,” tai kuishey.
“Tai wapis ahia toh mui bishi khushi asey aro mui bisas asey tai itia tennis kuribo paribo aro tatey enjoy kuribo. Tai bishi bhaal maiki asey.
“Bacha ke jonum dina six mahina piche dey tai itia para bishi bhaal khili asey, toh muikhan taike sawo lagey.”
Osaka laga khali competitive tennis, Australian Open agey dey, itu mahina laga Brisbane International dey ahishey, kutey tai second round dey harishey Karolina Pliskova laga khilaf.
Itu two-time Australian Open champion toh tai laga French opponent khilaf match laga shuruwat dey toe-to-toe khilishey.
Add Comment