Typhoon Man-yi pra 7 manu ke murai dishey landslide te

Manila, Philippines, 18 November 2024: Typhoon Man-yi pra at least 7 manu ke murai dishey landslide te, ghor bishi biya kuri dishey aro bosti manu bishi wala ke displaced kuri dishey. Enika hoina northern Philippines pra olai jaishey. Back-to-back storms pra biya kurina kina thaka aro biya wala kuri dishey, Officials pra Monday din te koishey. Man-yi toh six major storms pra sopse kara thakishey northern Philippines te laga toh, one month laka bitor te. Sustained wind 195 kiliometers (125miles) per hour tak thakishey Catanduanes laka eastern island province te aha time te Saturday din rati te. Man-yi pra torrential barish aro kara hawa ana pra landslide kuri dishey Monday dinte Nueva Vizcaya province laka Ambaguio northern town te. Etu pra ghor ke mati pra loi jaishey aro seven manu ke murai dishey, tadeh pra bacha khan b thakishey enika hoina bitor te three manu ke jokom punchai dishey, Regional police chief Brig. Gen. Antonio P. Marallag Jr. pra koishey. Army troops, police aro bosti manu khan alak alak jaka jaishey etu three manu ke bisaro nimite, tai khan bisas kuri ase taikhan ke mati, patharo aro ghas khan pra bon kuri kina ase. Marallang pra koishey.