Taipei, Taiwan 3oct 2024: Taiwan khan taila army khan ready kuri ase aro school , office khan bon kuri ase pura jaka Tuesday din te. Bishi kara typoon olop din hoina ahibo nimite te ready kuri ase. Etu typhoon toh Phillippines ke marina ahi ase.
Super Typhoon Krathon, Category 4 Atlantic hurricane nishina kara ase. Etu typhoon echa Bashi Channel, Luzan strait la northern side, Taiwan aro Philippines mozot bitor te ase. Joint typhoon Warning Center (JTWC) koishey ki 11:30am , Tuesday din te etu la speed toh 240mph thakishey.
Taiwan la port city of Kaohsiung te napuncha agae te typhoon toh olop kaniya hoijabo. Wednesday din te nahoileh Thursday morning te ahi jabo. Etu bira time te bishi barish, dangor hawa ani.
Philippines te etu Storm te local manu khan Julien matae. Etu storm toh puila pra Philippines la northern island te ahishey. Etu nimite manu ghor pra olai jaishe aro bishi flooding hoishe pani la osor te thaka manu khan. Northern Batanes Island te b over barish girishey.
Philippines national disaster agency khan Tuesday te koishey 23,000 families tadeh la jaka pra bishi duk paishe etu storm nimite.
Taiwan la president Tuesday te koishey etu storm toh bishi dangor nuksan kuribo island ke. Sop manu ke bishi hoshiyar thakibi koishey.
Taiwan president Lai Ching-te Tuesday din Central Emergency Operation Center ja time koishey Typhoon Krathon toh bishi kara typhoon ase. Etu typhoon lokot kara hawa , dangor barish milina ahibo. Bishi dangor nuksa anibo.
Taiwan toh typhoon kara khan bishi face kurina ahi ase. Hoileh b mountain la bosti jaka te landslide khan bishi huboleh chance ase.
Taiwan la Central Weather Administration (CWA) khan warning dishe southern aro eastern island la jaka te. Taikhan koishey etu typhoon sosti hwa nimite nuksan hubo aro tadeh la jak ate barish bishi hubo.
15,000 Taiwanese soldiers island la sop jaka te ready ase madat diboleh. Taiwan defense ministry spokesman Sun Li-fang Monday te reporters khan te koishey.
Add Comment