New Delhi, 24 October : U-23 World Championships te India laga tinjon mahila wrestler — Nishu, Pulkit aru Srishti — Thursday te nijor-nijor category te semifinals tak pohchi jaise aru dangor performance dikhai dise.
Nishu (55kg) impressive style te shuru korise, Japan laga Moe Kiyooka ke harai kene — tai 6-2 lead kori thaka time te pin korise. Fartu piche tai Kira Solobchuk ke 10-1 te harai kene semifinals te march korise.
Pulkit (65kg) bhi ekdom calm aru confident thakise, duita technical superiority win loi kene. Srishti bhi emotion na dikhai kene, Canada laga Maria Sawiak ke 10-0 te aru Turkiye laga Beyza Akkus ke 18-8 te harai dise.
68kg category te, Srishti Canadian wrestler Angelina Ellis Toddington ke 12-2 te technical superiority win loi kene harai dise, aru piche Ukraine laga Manola Skobelska ke 6-3 te controlled style te harai kene quarterfinals para semifinal tak ahise.
Dusra side te, Neha Sharma (57kg) quarterfinal stage te harai jaise. Tai Japan laga Akari Fujinama logot technical superiority te harai jaise, kuntu agey tai Romania laga Georgiana Lirca (6-0) aru Kazakhstan laga Nilufar Raimova (5-0) ke harai thakise.
Hanny Kumari (50kg) aru Diksha Malik (72kg) competition para bahar hoijaikena, kitia ki Priya 76kg weight class te bronze medal paine fight koribo.
Add Comment