Ahmedabad, 13 June : U Mumba TT Thursday din Ultimate Table Tennis (UTT) Season 6 te Dabang Delhi TTC ke 10-5 harai, semifinal laga fourth aru last spot secure korise. Delhi laga etu haar, tai laga 4-tie winning streak khotom korise, kintu Season 2 champions hoile bhi, Dabang Delhi league table te top te finish korise total 44 points logot.
Match shuru howar agote, duita team black armband porise aru ek minute silence observe korise – Ahmedabad plane crash tragedy laga victims ke respect janabo karone.
Match te U Mumba TT laga Lilian Bardet ekdom perfect start dise, opening singles rubber te Sathiyan Gnanasekaran ke 2-1 harai. Bardet first game ekdom tight 11-10 te jitise, second game 4-11 te hari jabo lagise, kintu last game te tai 11-4 te bhal return dise aru match jiti loise.
Tar pisot Bernadette Szocs bhi Diya Chitale logot 2-1 te jiti U Mumba TT ke aur ek important lead dise. Chitale first game easily 11-3 te jitise, kintu Szocs second game te 11-10 Golden Point te level korise, aru third game 11-8 te jiti rubber ke U Mumba side te loi dise.
Add Comment