New Delhi, February 5, 2026: U.S. Drug Enforcement Administration (DEA) para announce kure she ki, 200 websites domani bon kure de she, kunto India laga transactional criminal organisation (TCO) logo te link thake she, tai khan karne dos jun manu overdose hoi she. Char jun ke dure she koi she.
DEA aro U.S. Attorney Office mele kena etu operation kure she koi she. Tai khan ekta statement te koi she ki, etu TCO logo te link thakea online pharmacies khan laga opor te investigation jai thake she 2022 te para.
DEA aro India laga government khan be mele kena kam kurea ase, enia bea organisation khan te kam kurea khan ke dure bole karne. Agency laga field offices khan para January 27 te besare bole laga operation shuru kure she U.S. te, etu te char jun ke dure she. Etu online dukan khan te beshe dawai toh fentanyl aro methamphetamine melai kena thakea koi she. Aro etu khai she koile toh beshe side effects khan ase koi she, aro manu mure jabo laga beshe chance ase koi she.
Add Comment