South Africa, 12 April 2025: Tennessee pastor Josh Sullivan tu Thursday de church service lua time de jarjun mask buki kena ahise aru gunpoint de maike aru bacha laga osor para kidnap kuri kena loi jai se Motherwell Township, South Africa Eastern cape province para.
Josh tu pastor aru ekta baba ase bacha joita laga, South Africa police khan para koise ke kidnappers khan tu church bitor ku si kena phone chor kurise aru 45 saal Josh ke kidnappers khan para ana la kaari toyota fortuner de buhi bolae force kurise, etu bechede police para etu kaari tu tekese Motherwell town area de hoilibi Josh tu takanai koise.
Media statement de, josh laga father in law, David Witt para request kurise public ke parthana kuri divolae Josh laga safety karone.
Josh aru daila family tu South Africa de november 2018 de jaise local branch fellowship baptist church kulivolae.
“Josh para surrender kurise high time para missionary laga kam kurivolae.” Witt para add kurise.
Family para authorities khan ke report kurise ke pastor Sullivan tu zinda ase aru negotiators khan para contact kuri ase kidnappers khan logo poisa divolae Josh laga jan nemede.
David Witt para koise ke community ke beshi thanks ase public khan para parthana aru morom de yat takia arone daikhan laga family karone.
Add Comment