Agencies, 8 September: Friday din American Civil Liberties Union pora court de janaideya toh, Trump laga administration policy pora bacha aro parents alag hoi kena thaga tai khan laga khor de aro jabole mananai koise. Kelay koile tai khan laga desh besi danger thaga karni. San Diego jaga de, ACLU laga Lee Gelernt pora federal judge logode kowah toh, etu hapta parents khan logode ektum dekthari pora kotha (conversation) kori thakise koise. Tai khan laga bacha khan logode annibole ektum mon ase hoilebe tai khan laga desh ektum danger howah karni annibole na-pari kena ase koise. Court de Gelernt pora kowah toh, tai khan pura hapta Gautemala jaga de thakise koise. Aro tati tai khan US police pora alag hoi-ja parent logode bacha khan loi-jabole kowah de two-thirds nesana parent khan loi-jabole na-mana thakise koise. Gelernt pora janaideya hesab de, parents khan na-mana toh tai khan laga bacha khor de korai annise koile gangs khan pora tai khan laga bacha de loi-lobo (recruit) koi-kena bhoi khaa thakise koise. United States de relative khan thaga bacha toh tati he thakijabole olabo. Court file hesab de, ACLU pora 162 children laga parent logode contact kora de 109 khan namana thakise koise.
