U19 Asian Boxing C’ships: Shivam, Mausam next round te ghusishey

Bangkok, 4 August : India laga Shivam aru Mausam Suhag U19 Asian Boxing Championships 2025 te dangor jeet hasil korise, ekjon easily aru ekjon tough fight te

India laga Shivam aru Mausam Suhag dujon alak-alak style te jeet paise Sunday din Thai capital te chol thaka U19 Asian Boxing Championships 2025 te.

Shivam, jun men’s 55kg category te khele, Turkmenistan laga Bezirgen Annayev upor te pura tinte round dominate kori unanimous decision te jeet paise.

Dusra side te, Mausam Suhag 65kg category te Kazakhstan laga Nurkabyluly Mukhit logot dangor fight dise. Pressure thaka bhi Mausam hosla dekhaise aru tight match te 3:2 decision te jeet paise.

U19 aru U22 Asian Boxing Championships India laga upcoming boxers khan ke ekta dangor platform dise juntu te tai khan Asia laga toughest opponents logot skills aru determination dekha bole paaye. India 40 jon boxer pathaise — 20 jon U19 te aru 20 jon U22 te — juntu te experienced champions aru promising domestic talent duita mix ase.

Kintu, U19 age group te ekta perfect din nohoi thakise, karon India laga Shubham 60kg bout te Kazakhstan laga Tortubek Adilet logot 0:5 decision te haar paise.

U22 category te bhi eti din bitor te tinjon Indian boxer action te jabo ase.