DUBAI: United Arab Emirates (UAE) laga company koishe ke tai khan laga ekta kaam kura manu ke kaam para ulai dishe. Aro wapas tai khan laga jaga te pothai dishe. Kaam para ulai diya laga karan toh jua hafta New Zealand te huwa ghatna opor te etu kaam kura manu toh jashan (celebrate) manai thakishe.
Friday New Zealand te huwa ghatna te komti hoile bhi 50 manu khan murishe aro bishi manu khan jokom hoishe. Etu ghatna toh Christchurch te thaka duita mosque te hoishe. Etu ghatna toh desh laga notun samay laga bishi manu khan opor te huwa hamla thakishe.
Saturday din te Australian Brenton Tarrant ke etu ghatna te haath thaka nimite dhurishe.
Weekend majote ekta transguard kaam kura manu toh tai laga Facebook accout te etu New Zealand te huwa ghatna opor te biya lekhishe aro khushi pai kena dekhaishe.
Managing Director Greg Ward koishe ke social media laga biya para estimal kura opor tea mi khan toh olop bhi maaf nokuribo. Aro etu nimite etu manu kea mi khan para tai ke kaam para olai dishe.
Company koishe ke tai khan lag nichete klaam kura manu ke UAE government para tai khan laga jaga para ulai dishe.
Add Comment