April 16, 2024: Tuesday din, United States Emirates deh pani jhor para giri shae aro gira tho major highways kan flood kuri di shae aro rasta deh gari kan b bishi chari nah ase. Alak side deh, neighboring Oman jaka deh heavy flooding hui shae aro etu laka death toll tho 18 tak uthi shae. Alak manu kan itia b hari nah ase.
Pani tho rati deh gira shuru hui shae aro rasta kan den dangor ponds kan chari di shae. Jhor para pani gira tho Dubai International Airport deh flights kan keh disrupt kuri di shae. Dubai International Airport tho sobse busiest ase international travels karne aro long-hual Emirates laka ghor ase.
Police aro emergency personnel kan flood hua rasta kan deh aste para gari chulai shae aro taikan laka emergency flights kan tho morning deh flash kuri di shae. Asman deh light flash kura tho Burj Khalifa laka tip b chui taki shae.
UAE deh taka schools kan bishi bon hui jai shae storm nahua agae deh aro government employees kan bishi remotely kam kuri taki shae pari taki leh. Kam kura manu kan b bishi tho ghor deh bui jai shae. Authorities kan para tanker trucks kan keh patai shae rasta deh, water tho pump away kuri bole.
Add Comment