US, 6 November : Ekta 70-saal pura Uber driver North Carolina, United States para, $28,000 (Rs 23.3 lakhs) upar kamaishey tai laga 30 per cent upar trips cancel kurian ek saal dey. Itu driver, kun laga pseudonym “Bill” asey tai kuishey ki tai para 10 per cent logot komti request khan accept kurishey aro roughly 1,500 trips nishina luanai 2022 dey, ekta report hisab nsider dey.
Itu mota six saal agey dey retire huishey aro part-time kaam kuria shuru kurishey itu ride-hailing platform dey extra income kamawoley. Huilewi, Tai khali eku ride accept nakurey aro ensure kurey ki itu trips khan toh tai laga time layak asey. Bill para kuishey ki surge daam toh komti huishey tai laga jagah phaney aro itu para tai laga driving hours komti kuri dishey. Itu mota 40 gondha ekta haafta dey kaam kuri thakishey, huilewi itia surge komti huishey, tai itia 30 gondha kaam kurey.
Tai kuishey, “Mui bishi time nahuwo kuisheu. Muikhan surge ekta nathakia tak mui kaam nakurey.” Bill kuishey ki tai aro alag drivers khan ek gondha dey $50 nishina kamawo parishey Covid-19 pandemic thakia homoi kitia kunwa driver khan toh ekbar karoney gaari chulawoley rukhibo lagishey health jinta karoney. Huilewi, itia, driver khan bishi hui jaa karoney, tai khali $15 para $20 tak kamai ek gondha dey.
Huilewi, Bill kuishey ki tai alag bishi strategies employ kurey hisab ekta puisa luwoley. Tai nijor ke tai airport khan aro bar khan nishina jagah dey rukhi thakishey rush hours dey 10:00 pm para 2:30 am maju dey Fridays aro Saturdays khan dey kuntu para surge daam logot motut kurey. Tai outlet ke kuishey, “Kitia ekta plane land kurey aro manu khan Ubers request kurey daam toh bishi para uthi jai. Ekta 20-minute ride toh $10 para $20 para $40 aro kitiaba $50 tak jai. Itu driver toh 50 per cent tak pai itu kroney 35-minute ride para $30 para $60 tai pai jai.
Add Comment