Liverpool: Liverpool toh Champions League semi-final te Barcelona nohoile bhi Manchester United ke lok kuribole ek kadam osor hoishe. Liverpool khan Champions League quarter finals laga 1st leg match te Porto ke 2-0 para harai dishe. Etu match toh Anfield stadium te hoishe.
Liverpool laga players Naby Keita aro Roberto Firmino toh match laga 26 minutes bhitor te he goals mari de kena Liverpool ke match te porto agay te loi jaishe.
Liverpool boss Jurgen Klopp para koishe 2-0 toh bhal result ase. Moi toh etu match laga agay te bhi lubole thakishe aro etiya bhi lubo.
Liverpool boss koishe ke game toh bhal thakishe. Aro ami khan para he match toh pura cholai loi jaishe. Ami khan he match jeetibole layaak (deserve) ase. Aro ami khan toh duita ekdam bhal goal marishe.
Klopp aro koishe ke ami khan toh Porto khan laga jaga te jabo aro ami khan toh bhal para larai kuribo. Porto toh tai khan ke kuribole pare etu kuribo. Aro Champions League laga quarter finals te etu he hubole lagi ase.
Liverpool toh jua season laga quarter finals te Portuguese giants kihan ke 5-0 para harai dishe. Judi Liverpool khan toh goal maribole nishana (aim) toh aro thik thakile toh Sergio Conceicao laga team khan laga result toh aro bhi bishi biya hubole thakishe.
Add Comment