Udhayveer Singh pora gold jetise

Changwon, 13 September: Thursday din World Shooting Championships laga junior men’s 25m pistol event de Udhayveer Singh pora gold jeta thakise. Singh pora 587 score bonai kena gold medal toh loi-lowah ase. Tai laga nejide American Henry Leverett (584) aro Korean Lee Jaekyoon (582) thakise. Vijayveer Sidhu toh 581 pora fourth de kothom howah thakise aro Rajkanwar Singh Sandhu toh 568 pora 20^th jaga de kothom howah thakise. Senior competition de, Sheeraz Sheikh toh 49 score pora eighth de thakise. Angad Vir Singh toh 47 shooting de 69^th de thakise aro Mairaj Ahmed (41) toh 79^th de namija thakise. Indian team khan meli-kena 137 score pora 16^th de thakise. 25m centre fire pistol event laga de India khan medal na-pai kena ase. Gurpreet Singh toh 581 score pora 10^th de ase. Kumar toh 576 score pora 24^th de kothom hoi kena ase.  Etu team khan meli-kena 1733 pora fourth de kothom hoise. Medal de India fourth jaga de ase. Total 24 medal laga de, nine gold, eight silver aro seven bronze medals loi-kena ase. Tokyo 2020 Games nemide India pora two Olympic quota jaga loi-kena ase.