New Delhi, 31 January : UEFA Champions League 2025–26 laga knockout Playoff stage laga draw Friday te announce hoise, aru defending champion Paris Saint-Germain (PSG) AS Monaco logote mukabila koribo.
15-baar UCL winner Real Madrid ke Benfica logote draw korise, juntu league stage laga rematch ase. Itu encounter porai La Liga laga giant Real Madrid top eight pora bahar hobo lagise.
2022–2023 season laga finalist Inter Milan, Norway laga Bodo/Glimt logote khelibo, juntu team league stage laga penultimate round te Manchester City ke shock dise.
Atletico Madrid ke Belgium laga Club Brugge logote draw korise, jetiya Juventus Galatasaray logote mukabila koribo.
Azerbaijan laga Qarabag FK, Premier League laga Newcastle United logote round of 16 laga jagat karone khelibo.
First leg matches February 17 aru 18 te hoibo, aru return legs February 24 aru 25 te schedule korise.
Add Comment