Agencies: UEFA Champions League 2019-2020 toh Thursday (August 29) te group stage karne draw suru kurise ase. Defending champions Liverpool khan Pot 1 te Chelsea (UEFA Europa League winners), Barcelona, Manchester City, Juventus, Bayern Munich, Paris Saint-Germain, Zenit St. Petersburg khan logot te eksat set kurise. Etu draw toh UEFA.com te live dekhai ase.
Etu draw toh Monaco laga Grimaldi Forum te dhaki ase.
2018-19 te dhakiya competition system laga under te total 26 teams ke group stage te direct entry dise aro eksat biche te play-offs laga 6 winners samil kuribo.
Teams khan jarta pots karne bhag kuri kena ase aro tade pora Pot 1 te holders UEFA Europa League winners aro six highest-ranked nations laga champions khan ase. Pots 2 aro 4 toh club ranking hesab te conclude kuribo.
UEFA Champions League laga Group stage te ekta Nation laga duita team ekjun ekjun khilaaf nakhilibo. Aro, Ukraine aro Russia duijun ke ekta group te draw nakuribo kintoh duijun nation laga biche te political chamela ase.
UEFA Champions League group stage matches laga date
Matchday 1: September 17 aro 18….Matchday 2: October 1 aro 2….Matchday 3: October 22 aro 23….Matchday 4: November 5 aro 6….Matchday 5: November 26 aro 27….Matchday 6: December 10 aro 11.
Draw khotam howa biche te, group stage fixtures laga sob list olai dibo.
UEFA Champions League 2018-19 karne qualified howa team khan
Spain te Barcelona, Real Madrid, Atlético Madrid, Valencia…England te Liverpool, Chelsea, Manchester City, Tottenham Hotspur….Italy te Juventus, Napoli, Internazionale Milano, Atalanta….Germany te Bayern Munich, Borussia Dortmund, Bayer Leverkusen, RB Leipzig…..France te Paris St-Germain, Lyon, LOSC Lille…Russia te Zenit St. Petersburg, Lokomotiv Moskva….Portugal te Benfica……Ukraine te Shakhtar Donetsk….Belgium te Genk….Turkey te Galatasaray….Austria te Salzburg….Greece te Olympiacos….Croatia te GNK Dinamo…Serbia te Crvena Zvezda.
Add Comment