UEFA Euro 2024:  Germany para Demark keh harai di shae

June 30, 2024: Saturday din Germany para Denmark keh 2-0 harai di nah European Championship laka quarterfinals deh jai ase. “Mukan Berlin deh jai ase,” kushi taka Germany fans para gana kuri taki shae, kun kan laka upor deh pani giri taki shae. Germany kan aro tuita match jiti bole lakeh, July 14 laka finals deh jabo karne. “Mukan ekdum bhal gam kili shae – aji mukan lokot deh ekdum crazy fans taki shae,: Germany defender Nico Schotterbeck para kui shae. “Mukan kushi lokot det kili ase aro enaka kila tho football laka sobse sundor kotha ase.” 2016 piche deh Germany kan ekta major tournament laka knockout stage deh ekbar b jita nai. Etu tho taikan laka first win ase. Germany kan back-to-back World Cup deh advance kuri bo para nai, group stage para aro 2021 deh hua Euros laka last 16 deh b hari shae, England laka against. Germany kan Spain nahoileh Georgia kili bole ase aro round of 16 para advance kuri bole second team hui jai shae. Switzerland kan first taki shae. Taikan Saturday din deh, defending champion Italy keh 2-0 harai nah advance hui shae. Germany coach Julian Nagelsmann para German broadcaster ZDF keh tai rain delay tho taila labh karne chui shae kui shae. Tai para break tho taila players kan keh first half laka incidents kan dika bo karne chui shae kui shae.