UFC laga fighter Tony Ferguson ke arrest kurishey, DUI laga suspicion tey

May 09, 2023 : UFC laga fighter Tony Ferguson ke toh arrest kurishey, koi asey, tai laga truck para alag gari khan ke maridiya pichetey bhi chulai thaka nimitey aru California laga Hollywood tey roll over kuri thaka nimitey, Sunday laga fujur tey, Los Angeles laga police para koishey, koi asey- CNN ke.Los Angeles Times laga hisap tey, police para sawa hisap tey Ferguson laga Chevrolet Silverado pick up truck toh ulta pulta hoi jaishey alag side tey, tai agey para park kuri kena thaka duita gari khan ke mara pichetey, Wilcon Avenue tey, 2 am nahoa agetey (tatey laga local time hisap tey).
Police para koishey itu Ferguson toh first tey toh saas phuka laga test toh nakuribo koi kena mana kuri thakishey, tai ke custody tey loa time tey, LA Times para khobor diya hisap tey.
Ferguson laga representative aru UFC para bhi respond kura nai koi asey, CNN para jawab diboley request kuria pichetey bhi.