New Orleans, 22 May : UFC laga ekta dangor fight July 19 te New Orleans, Louisiana te hobo, aru itu fight te Dustin Poirier aru Max Holloway BMF title nimite mukabla koribo. Poirier laga desh te hobo itu fight, aru eneka koi, tai laga career bhi khotom hobo itu fight te
Itu dujon lightweight fighter olop aage duita bar fight kori luisey, aru 36 saal laga Dustin Poirier, Lafayette, Louisiana te thaka, duita fight te jitise
Kintu dujon bhi latest fight te harise. Poirier (30-9) June mahina te Islam Makhachev logot fight kori submission te harise, aru 33 saal laga Max Holloway (26-8) October mahina te Ilia Topuria logot knockout te harise
UFC 318 te, ranked middleweight fighter dujon – No. 10 Marvin Vettori (19-8-1) aru No. 11 Brendan Allen (24-7) bhi fight koribo. Itu hobo dujon laga prothom official fight. Aage April mahina te UFC Vegas 90 te fight thakise, kintu Vettori injure hoi fight cancel hoise. Tar pisot, dujon Florida laga ekta casino te unofficial brawl korise
Itu ranked fight laga lineup bhi dangor expect kora hoise
Lineup te aru bhi fight include kora hoise – Kyler Phillips (12-3) aru Vinicius Oliveira (22-3), bantamweight division te; Jimmy Crute (12-4-2) aru Marcin Prachnio (17-8), light heavyweight division te; Carli Judice (4-2) aru Nicolle Caliari (8-3), women’s flyweight division te
Add Comment