Uganda 2,000 opposition supporters khan ke dure she, 30 morai de she

January 24, 2026: Uganda laga miltary chief para Friday te koi she ki, authorities khan para 2,000 opposition khan ke support kurea manu dure she, aro 30 manu ke toh morai de she koi she, aro besarea ase presidential election piche te jamala ola piche, etu election te Yoweri Museveni para jete she, aro tai toh military chief laga baba ase. Mr. Museveni kun 81 sal ase, tai East Africa nation ke 40 sal neshena karne cho lai kena ahea ase. January 15 vote te toh, tai ke harai de she koine declare kure she, opposition National Unity Platform (NUP) laga leader Bobi Wine para. Wine, kun poila gana gure thakea, tai laga legal nam toh Rober Kyagulanyi ase, tai para result khan toh reject kure she, tai koi she ki ballot stuffimng khan thik thake nai, aro lo kai jai she tai. Rati te military Muhoozi Kainerugaba para details khan de she, arrest kurea aro morai dea khan NUP laga supporters. Tai koi she ki etu manu khan toh hooligans aro terrorist ase koi she. Tai para X te koi she ki 30 NUP terrorist toh morai de she, aro beshe NUP terrorist leader  khan toh loka ase, hoile be sob ke besa re lobo koi she.