United Kingdom, November 15 – United Kingdom ekta dangor change anibo lage ase taikhan laga asylum system te, aru etu change piche para refugee khan ke permanent protection nadibo. Navo policy hisap te, refugee khan laga status temporary hobo, aru uli-ulit check kuri jabo, taikhan laga home country te situation safe ase na nai.
Navo system te, long-term settlement automatic nohoi. Refugee khan ke kom time lagate thakibole dibo, aru etu pora government review kuribo ki taikhan laga country safe hoishe na nohoi. Jodi UK government bujhi lobo ki taikhan laga home country safe hoi jaishe, taikhan ke wapas loi jabo paribo. Etu step UK dangor strict approach loi ja thaka dekhaishe, Denmark nishena model follow kuri.
Government laga mot te, etu navo rule para illegal migration, bishik koi Channel para boat crossing komi jabo. Temporary protection diya para asli danger aru threat parah palai thaka manu khan ke he help kuribo, aru jiman time situation dangerous thakibo, tot UK te rakhijabo.
Kintu, etu policy change opor bishi discussion choli ase. Kelek manu khan koi ase ki temporary status para refugee khan laga life uncertain hoi jabo—education, kam-kaj, family reunion sab affected hobo pari. Humanitarian group khan bhi dar kori ase jeno country “safe” declare korile, individual danger ignore hoijai. Tai, review process he government laga time aru manpower bhi bisi lagibo koi warning dishe.
Political pressure barhi thaka time te, etu reform UK laga asylum system te dangor change dikhaishe. Government bishi jaldi announcement dibo koi ase, jate humanitarian duty aru public concern dui ta ke balance kori bole paribo.
Add Comment