London: November 16, 2020. Monday din Johnson & Johnson para Britain te notun late-stage trial soru korishe, etu samai experimental COVID-19 vaccine nemite two-dose test koribo ase. Hazar volunteers khan logot loboli ase. UK laga study hesab te, 6,000 manuh ke loboli ase aro etu duniyaa pithor te 30,000 manuh thakibo koikena UK trial lowa scientist para koishe. UK pithor te 17 desh para Volunteers khan ke junibo ase. Tai khan ke first dose toh placebo nahoile experimental shot thibo aro etu etai Ad26COV2 koi..etu beche 57 din bechete second dose nahoile placebo aro thibo, koikena paediatric immunology aro infectious diseases laga professor, Saul Faust para koishe, tai toh University Hospital Southampton te trial nemite co-leader ase. August moina te J&J aro British government pithor te two-dose global Phase III clinical trial nemite kotha fesla loikena ase, etu samai 60,000 manuh logot trail experimental vaccine toh single shot loboli aro etu September moina te olaikena ase. Jodi, single-shot trial toh positive hoile te, company para koishe ke, millions doses toh supply koribo. Tai khan laga dusman tawai bona company Pfizer aro BioNtech para jaa moina te koishe ke, late -stage trial samai tai khan laga COVID-19 shot para 90% bhal khobor thikaishe, etu nemite besas as eke bemari nemite vaccine toh jolti para choboli paijabo. Pfizer-BioNtech vaccine para ekta notun technology messenger RNA koikena choiase. J&J para cold virus choiase. Etu samai, AdVac koikena etu Ebola vaccine choboli etu saal soru samai manishe. Scientists kaun khan para UK trial loiase, two-dose trial samai dosura desh khan samil koriboli khobor eku janai deya nai, hoilebi, soru kora chaka toh Britain ase. Study te manuh thala toh March moina 2021 saal te kotom hobo, aro trial toh 12 moina nemite thakiboli ase koishe.
Add Comment