October 10, 2024, 05:08 PM : Ekta UK auction house para ekta ‘Naga Human Skull’ withdraw kuri loishey, ekta online sale live jaboley thaka tey para, Wednesday tey, India itu issue laga outcry hoi thaka pichetey.
Itu Swan acution house , kuntu toh hoiley Tetsworth tey asey, Oxfordshire laga, tai khan logotey kunba series laga skull khan thakishey aru alag remain khan, itu duniya laga alag alag part laga ‘itu Curious Collector Sale, Antiquarian Books, Manuscripts & Painting’ khan laga part thaki kena.
Itu ‘19th Century Horned Naga Human Skull, Naga Trine’ toh hoiley Lot No. 64 tey slot hoi kena thakishey, aru itu numitey protest hoi jaishey, Nagaland tey, Chief Minister Neiphiu Rio para chulai jai kena, kun para toh hoiley External Affairs Minister S Jaishankar laga intervention bsari thakishey, itu monbikha laga sale toh rukhaboley karney.
Tom Keane kun toh hoiley itu auction house laga malik asey, tai para koishey Naga skull toh hoiley utu auction para withdraw kuri loishey, yatey laga manu khan laga bhabana ke respect kuriboley. “Moi khan itu view khan express kuria toh hunishey, aru judi bhi itu sale kuri thaka toh legal thakishey, moi khan withdraw kuriboley decide kurishey, utu lot toh, kiley koiley moi khan kun laga mon bhi bikhai diboley icha nai,” Keane para koishey, kun toh hoiley itu Swan laga malik asey, Tetsworth tey.
Add Comment