UK millionaire aro tai laga maike moraide kena paise

Namgkok, 25 September: Police pora khobor janaideya toh, Tuesday de millionaire British retiree aro tai laga Thai maike (wife) toh moraide kena mathi pethor de paise koise. Alan Hogg logode bondukh pora marise aro tai laga maike Nhot Suddaen logode mathol (hammer) pora mari kena moraideya ase. Police commander Colonel Manas Kerdsukho pora AFP logode kowah toh, moraideya tui-jun laga body toh Tuesday morning tai jun laga nejor mathi pthor de paise koise.  Tin-jun manu logode suspect pora arrest kori kena ase. Aro etu tinta majode Nhot’s laga dangor kokai Varut Rattanasajjakit logode bothnaam kori kena thaga toh tai pora plan kori kena moraidese pari koi-kena ase. Manas pora etu moraideya toh family chamala, feuds aro property nemide ase koise. Tai pora main suspect Varut logode toh Tuesday de deri hoi kena arrest korise koise. Aro tai khan logode meli-kena thaga ek-jun pora authorities logode kowah toh, Varut pora be murder kora de motob korise koise. Varut pora murder toh kora he nai koi kena ase. British media pora 64-sal millionaire Hogg pora swimming pool thaki-kena ektum sundor khor bona ase koise. Etu khor toh Laos border pora eman dur de nai. Britain’s foreign office nemide khotha kowah manu pora mora khor manu ke support kori kena thakise koise aro tai khan local authorities logode be contact de thakise koise.