Paris, France: September 14, 2020. Monday din te French-Austrian vaccine firm para koishe ke, Britain para coronavirus vaccine toh 190 million doses neshina rakina ase. Etu vaccine toh Valneva logot deal korikana 1.37 billion euros kemat ase. July moina te koikena thakishe ke, Britain government toh 60 million Valneva’s inactivated SARS-CoV-2 vaccine toh raki-kena ase.
Firm para koishe ke, December moina para tuita(2) tawai vaccine trails soruh koriboli bhapana ase aro judi etu kamyab hoile 2021 saal para paijaboli koishe. Britain logot 2021 saal te 60 million tawai supplied kora te 470 million euros ($557 million) neshina poisa hobo. Etu beche, Britain aro 2022 saal te 40 million tawai bhapoli rasta kolibo. 2023 para loikena 2025 saal dak te 30 para 90 million oper bapo aro etu laga tham toh 900 million euros neshina hobo. “ami khan besi kushi ase ke, UK government para junishe aro tai khan logot partner korikena jai thaka bemari laga kotha kobo koikena “Valneva laga CEO Thomas Lingelbach para statement te janai thishe. Britain Business Secretary Alok Sharma para be koishe ke, “etu notun agrrement para desh te million manuh ke vaccine thiboli parehbo aro UK te vaccine bona samay motob thikena Covid-19 candidate logot kam toh jolti hobo aro desh para aha din bemari bhal para sabo”.
Add Comment