February 19,2024: United Kingdom kan 3000 visa offer kuri ase Indian Citizen kan lokot tai kan laka India Young Professional Scheme under dhe ballot system laka madot para. Ballot system laka under dher candidates kan lokot tui din takibo apply kuriboli. Ballot dho India laka Standard Time esab dhe February 20, 2024 laka 2:30pm dhe khulibo aru 22 February 2024 tak khulibo. British High Commission of India para etu first ballot laka details share kurishae UK laka visa kurne apply kuriboli laka chance baboli.
“3000 jaka available ase India laka Young Professional Scheme Visa kurne 2024 dhe. Bishi jaka kan available hubo February laka ballot kurne. Aru dusra bachi kina taka dho July laka ballot dhe available hubo,” enika UK laka government para koishae.
Government laka instruction laka esab dhe eligible Indian citizen kan tai kan laka details kan provide kuribo lakibo ballot dhe kusiboli. Applicants kan sure kuribo laki ki tai kan financial, educational aru dusra requirement kan takibo laki visa kurne apply kuriboli.
Add Comment