UK para LTTE ke Terror List te hataishe

Colombo: October 22, 2020.  Britain’s Proscribed Organisations Appeal Commission para Liberation Tigers of Tamil Eelam (LTTE) ke terrorist organization list para hatai deya nemite Sri Lanka para fesla oper te kelaaf korishe. Foreign ministry laga statement para koishe ke, Wednesday din te Commission para felsa kora toh Sri Lanka para janishe. Etu fesla Commission para lowa toh, May 2019 saal te LTTE front organization khan para British Secretary of State, Home Affairs dated March 8, 2019 saal laga fesla te LTTE khan ke UK Terrorism Act of 2000 para hatabole koikena thakishe. Etu samai Sri Lanka toh Commission te samil nathaka nemite direct koboli napare. Lankan Government para British government logot motob korikena terrorist kam kora laga khobor toh janai thishe. “POAC laga Open Judgement toh aro court te honiboli ase aro etu samai Government of Sri Lanka para UK te cases toh bhal para sai thakiboli koishe.” koikena statement te koishe. Sri Lanka para koishe ke, tai khan hath te khobor ase ke etai be LTTE aro dosura groups melaikena foreign countries te terrorist kam koriase aro jamila thiase. UK para LTTE ke 2000 saal te terrorist ase koikena janai thishe. LTTE para tai khan alag Tamil northern aro  eastern provinces te jaikena 30 saal neshina thakishe. Hoilebi, 2009 te  Sri Lankan Army para tai khan laga sobse tangor leader Velupillai Prabhakaran ke morai deya beche, tai khan kerishe jaishe koishe.