December 2, 2020. Wednesday din UK toh duniyaa te first desh hoishe ke COVID-19 bemari kelaaf te Pfizer-BioNTech vaccine joboli manishe aro aha hafta para soruh hoboli koishe. Vaccine toh emergency samai joboli Medicine aro Healthcare Products Regulatory Authority (MHRA) para US aro Europe para fesla nathiya agae te hokom thishe. MHRA ke maniboli tangor power toh government para special regulations pithor te January 1 agae te fesla thishe. UK te Brexit bechete tawai toh joboli full authorization manihse. British media para koishe ke, England te hospitals khan ke aha hafta para medical workers khan logot vaccinations koriboli tayaar thakiboli koishe. Pfizer para koishe, UK te jolti para vaccine toh supplies thibo aro etu oper te U.S. Food aro Drug Administration khan para manile jolti para kam soruh koribo. Hoilebi etai supplies toh komti ase etu nemite aha saal te tawai toh besi olaboli koishe. “duniyaa pura te high-quality vaccine toh hoshari para kam koriboli sai ase,” koikena Bourla para statement te koishe. Etu samai, U.K para Pfizer vaccine toh 20 million manuh nemite ordered korikena ase, hoilebi etu saal kotom te keman ahibo khobor nai koishe. Tawai distribution challenges te, Pfizer vaccine toh ultra-cold temperatures te rakibo. Protection nemite tin(3) hafta pithor te tuita (2) doses laki koishe. U.K. government para koishe, frontline health workers aro nursing home khan ke vaccine toh first thibo, etu beche pura manuh khan ke thibo. November moina te, Pfizer koishe ke, final study samai clinical-trial para Covid-19 vaccine toh 95% bhal thikaishe, etu nemite company logot coronavirus shot loboli first US regulatory authorization thishe.
US tawai bona aro partner BioNTech SE para koishe, tai khan laga vaccine toh manuh umer sob logot protect kori aro etu oper te dosura dhuk nai, trial samai 44,000 manuh logot loikena ase.
Add Comment