UK government para visa rules bodli kuridiya picheyte Ukrain laga manu khan aro ekbar taikhan laga baccha khan ke UK te anibo paribo. Etu rule para bisi parivar kea lag alag kuridisey. Juwa February te, government para ‘Homes for Ukraine’ scheme under te etu visa laga eligibility te restriction lagaidikina permanent UK residency nathaka Ukraine manu khan ke taikhan laga family members ke sponsor kuribole para rokhaisey. Etu change, kuntu ke eku notice nidikina implement kurisiley, etu para kunba ama-baba ke taikhan laga baccha ke lok kuribole nimitey illegal tarika cholabole majbur kuridisey.
Charity khan para etu Visa rule change kuridiya ke welcome kurikina etu ekta “dangor rahat” asey koisey. Hoilebi warn kurisey ki etu tu dusra family members jaiseki bhai-bhuini aro ama-baba ke allowed nohobo.
Russia para Ukraine te hamla kora picheyte UK para March 2022 te ‘Homes for Ukraine’ scheme launch kora picheyte etu under te 190,000 manu UK te ahisey. Hoilebi, juwa saal Conservatives under te etu nyom bodli kuridiya te khali British aro Irish citizen nohoilebi permanent residency thaka manu khan hey Ukraine manu khan ke sponsor kuribo pari thakisey. Kuntu para bisi Ukraine manu khan ke taikhan laga morom thaka manu khan ke anibole napara kuridisey. ‘Ukraine Family Scheme’ kuntu para poila te Ukrain manu khan ke UK residency thaka family members ke join kuribole allowed kurithakisey, etu bi bon kuridisiley.
Nutun rules laga under te, Ukraine-related visa dhuri thaka ama-baba aro legal guardian para etya Homes for Ukraine scheme under te taikhan laga baccha ke sponsor kuribo paribo.
Add Comment