UK Queen, Duke of Edinburgh logot Covid-19 vaccine dishe

London: UK’s Queen Elizabeth II aro tai laga motha Prince Philip, Duke of Edinburgh logot novel coronavirus vaccine thishe, koikena Buckingham Palace para statement te junaishe. Saturday din te vaccine toh ghor laga doctor para Windsor Castle te thishe, etu samai royal couple toh jaa sal para thaki ase, khobor toh British media para kowa Xinhua news agency para janaishe. Khobor para aro koishe, Queen para tai vaccine toh hoshari nemite ase koikena janai thiboli koishe. Queen 94 umer aro Prince Philip 99 umer melaikena itya dak 1.5 million manuh ke UK te Covid-19 vaccine thikena ase koishe. Desh te 80 umer para loikena manuh khan toh high-priority groups pithor te vaccine toh thishe. Hoilebi, royal couple logot kaun toh vaccine thishe janai deya nai. Friday din 3 coronavirus vaccine toh desh te joboli manishe, UK te coronavirus bemari para manuh mora toh sobse besi hoikena ase, etu oper te ek din pithor laga cases toh be besi wala ase. Sunday pujur dak te UK te Covid-19 cases toh 3,026,313 ase aro 81,000 manuh morikena ase koishe.