UK te 100,000 oper manuh logot Covid-19 vaccines trials loishe

London: August 18, 2020. Government para koishe ke, United Kingdom te 100,000 oper manuh para volunteered kurikena coronavirus vaccine trials loishe. Aro etu samay, desh manuh khan logot encourage thikena National Health Service (NHS) Covid-19 Vaccine Research Registry te sign kuriboli koishe. Monday din, statement te government para koishe ke, researchers khan para society sob volunteers khan logot aro kuan khan vaccine para motob baboli ase, etu pithor te frontline health aro social care workers, aro Black, Asian aro Minority Ethnic (BAME) backgrounds thaka manuh khan ke lage, koikena Xinhua news agency para koishe. “large-scale vaccine study toh UK laga chaka sob te  loboli ase aro tai khan laga aim toh October moina dak te manuh besi hoikena  Registry te signed kuri thiboli mon ase koikena Business Department, Energy aro Industrial Strategy (BEIS) laga spokesperson pra janai thishe. Department para aro koishe ke, clinical studies samay volunteers khan para  scientists aro researchers khan logot bhal para vaccine candidate toh pujiboli parehbo aro kam kura samay vaccine toh safe para olabli koishe. Aro koishe ke, UK te trials besi loboli bhapana ase etu samay NHS, research institutions aro businesses manuh khan be thakina tai khan para vaccine toh bonai-kena ola samay motob thibo koishe. Etai dak te, United Kingdom te, sob melaikena coronavirus bemari cases toh 321,060 ase aro 41,454 manuh morikena ase koishe.