Ukraine, France laga Rafale F4 fighter jets aro asmaan laga advanced defence system ekta dangor deal te pabole ase. Itu pa toh Kyiv nijor ke Russia laga khatarnak hamla pra bachabole bishi modot kuribo. Itu Rafale F4s khan sob toh 2035 te punchibole laga plan te ase, aro interceptor drones khan itu saal te hi milai kina bunabole shuru hubole ase. Puisa kiman jabo laga details khan laga khota toh itya bi khotom huanai huilebi, kunba reports khan pra kwa toh France pra EU laga financing aro Russia laga frozen assets khan chulabole laga plan te ase kuishe. Huilebi itu kura toh controversial ase kuikena 27-member bloc toh namilikina huikena ase.
Itu laga opor te, Ukraine toh bishi takot thaka France laga radars, eighta asmaan laga defence system aru alak advanced weaponry pabole ase. Ukraine laga asmaan bachabole karne itu fighter jets toh bishi crucial ase. Kile kuiletoh, Ukraine laga border te thaka town aru cities laga jaga khan toh asmaan pra hamla kurile nijor ke bachabole bishi duk pai.
Add Comment