Ukraine, 12 April 2025: Ukraine european allies khan para 21 billion euros pledge kurise Kyiv de military support karone aru koise ke “critical year “ hobo koi kena.
11 billion euros 4 years karone laga tu Germany para de se koise. British Defence Minister John Healey para koi ke etu pleade para ekta strong singal divo Moscow de.
Etu announcement tu Ukraine Defence contract group members khan para de se NATO headquaters juntu Brussel’s de ase. Dai khan para etu pleadge de air defence, missiles aru alak military saman khan mang kurise. Europe’s Defence Ministers khan para koise,etu laria tu kothom hua laga nam hi naloi, Donald Trump para ceasefire promise kuri kena takilivi.
Friday dae 450 million euros UK aru Norway para funds de se radar system,anti-tank mines,vehicle repair aru drones khan karone. Etu poisa tu British para pleadge lua la ase etu saal.
Healey para koise drones laga importace tu stragetic laria de aru critical situations nemede,70% tu 80% laria laga casualties tu drones khan laga responsibility ase koise. Germany para 100,000 rounds artillery ammunitions,infantry vehicles,battle tanks ,ground surveillance radars,aru Berlin para IRIS-T air defence systems dibo koise. German Defence Minister Boris Pistorius koise ke military laga takot tu important ase Ukraine laga war tu peace anibolae. Etu meeting dae 50 Nations para Defence Ministers khan ahise etu logo US laga Defence Secretary Pete Hegseth bi takise, Ukraine laga karone international support lobolae.
Add Comment