Ukraine drone para Russia deh taka oil depot keh julai di shae

August 28, 2024: Ukraine laka drones kan para Glubokinskaya oil depot deh taka oil tanks kan keh jukai di shae. Etu oil depot jaka deh tho Russia laka Rostov region deh ase aro etu kobor tho alak alaka Russian Telegram Channels kan para report kuri shae, Wednesday din deh. Rostov laka governor, Vasily Golubev para ekta Telegram post deh, region laka upor deh chartha Ukraine-launched drones kan keh girai di shae kui shae, hoile b oil depot deh hamla hui shae tho kwa nai. Baza Telegram channel, kuto Russia laka security services lokot deh close ase, taikan para oil depot laka jaka deh tuita drones gira piche deh teentha tanks tho juli taki shae kui shae. Reuters kan para reports tho verify kuri bole para nai. Ukraine laka hath para b etu deh comments kan eku aha nai. Alak side deh, Alexander Gusev, kun Voronezh region laka governor ase, tai para Ukraine-launched drone para aha debris kan, explosive objects osor deh ekta jui julai di shae kui shae. Gusev para bomb phat puta nai kui shae. Jui tho bujai di nah ase, Gusev para telegram deh kui shae aro tuita settlements deh taka residents, kun kan keh ekbar karne evacuate kuri di shae, taikan laka ghor deh wapas jai ase kui shae. Russia officials kan tho Ukrainian laka hamla kan para kiman damage kuri shae aro ani shae, etu laka full report tho nadeh.