Ukraine, 25 April 2025: Kyiv laka mayor, Vitali Klitschko pra BBC ke koishey ki Ukraine khan taikhan laka mati toh dibo pareh peace deal laka part te Russia lokot. President Donald Trump pra pressure dia ase territorial concessions toh accept kuribo leh. Tai pra koishey, ekta scenario ase… territory toh give up kuri boleh. etu toh fair nahoi. Hoileh b peace nimite, etu toh rasta hubo pareh, temporary. Hoileh b 53 saal purana boxing champion-turned politician pra stressed kuri shey ki Ukrainian manu khan kicha b Russia pra occupation toh accept nakuribo. Bishi ghanta karne khota kuri shey tai Russia missile-and-drone hamla pichideh Kyiv opor te kun toh 12 manu ke murai dishey aro 80 opor te jokom kuri shey. Etu sopse deadliest Russian assault thaki shey Ukrainian capital te months pra.
Russian president Vladimir Putin pra full-scale invasion launch kuri shey Ukraine laka 2022 te, aro Moscow khan echa Ukrainian territory laka 20% nishina control kureh. Klitschko toh echa sopse senior ase Ukrainian politicians te publicly indicate kuribo leh ki tai laka country echa territory toh dibo lageh, albeit temporarily. Kyiv mayor aro Zelenskyy toh political opponents ase. Mayor pra bishi bar president aro tai laka team ke accused kuri shey tai laka authority toh under kuribo leh koshis te.
BCC Radio 4’s Today programme te khota kura time te tai laka office pra central Kyiv te Thursday din te, Klitschko pra noted kuri shey tai Ukraine laka capital nimite responsible ase, war-torn country laka ‘heart’ ase koina described kuri shey. Tai koishey president Volodymyr Zelenskyy ke force kuribo pareh ‘painful solutions’ lubo leh peace pabo leh. Kicha huti shey Zelensky toh tai lokot khota kuri ase nanai possible settlement karne, Klitschko pra No koishey.
Add Comment