January 10, 2024: Wednesday din deh Ukrainian President Volodymyr Zelensky Lithuania deh ahi shae. Tai, taila country laka war kuto Russia lokot ase aro NATO aro European Union deh join kuri bole Kyiv laka plans kan discuss kuri bole ahi ase. Etu tho tour laka shuru ase teentha Baltic states deh.
X deh tai ahi shae kui nah announce kuri shae. Zelensky para tai aha din deh Latvia aro Estonia deh jabo kui nah announce kuri shae. Teentha Baltic states b EU aro NATO military alliance laka members kan ase.
“Electronic warfare aro drones deh Security, EU aro NATO integration, cooperation aro European support laka coordination kan sob agenda laka pitor deh ase,” Zelensky para kui shae.
Zelensky aro Lithuanian President Gitanas Nauseda, kotha kuri bole ase aro 1125 GMT deh ekta joint press conference b lubo leh schedule hui nah ase. Ukrainian leader b ekta public speech dibo lleh ase, Nauseda laka office para kui shae.
Add Comment